Распишан меѓународен конкурс за атлетски стадион во Подгорица

Во понеделникот Министерството за просторно планирање, урбанизам и државен имот на Црна Гора распиша меѓународен конкурс за идејно архитектонско решение за атлетскиот стадион во Подгорица.

Вкупниот награден фонд за доделување на прва, втора и трета награда, како и три откупи, изнесува 57.000 евра нето, додека рокот за доставување на трудовите е 15 декември 2024 година до 14 часот.

Предмет и опфат на конкурсот

Како што е наведено во расписот, предмет на конкурсот е изработка на идејно архитектонско решение за атлетскиот стадион во Подгорица и е клучен развоен проект насочен кон подобрување на развојот на спортот во Црна Гора.

Локацијата од 35.000 квадратни метри на која е планирано да се гради атлетскиот стадион се наоѓа во делот на градот Стари Аеродром, зона Коник, недалеку од Фудбалскиот сојуз на Црна Гора.

Цел на конкурсот

Целта на конкурсот е избор на најдобро идејно архитектонско решение за атлетскиот стадион во Подгорица, што пред се ќе сеги задоволи пропишаните услови и ќе постигне максимална усогласеност на сите аспекти прецизирани со конкурсната задача.

Исто така, од учесниците се очекува да понудат современо решение на објектот, што ќе придонесе за зголемување на естетските вредности, како во потесното, така и во поширокото градско јадро, со својата репрезентативност, во поглед на обликувањето и материјализацијата.

Конкурсната документација се состои од текстуален и графички дел, а може да се преземе на овој линк.

Жири на конкурсот

• Бранислав Греговиќ, архитект, студио LXXVI, Подгорица (Црна Гора) – претседател на жирито;
• Davide Marazzi, архитект/основач, студио Marazzi Architetti, Парма (Италија) – стручен член;
• Ѓорѓе Бајило, архитект/основач, студио DBA (Đorđe Bajilo Architects), Нови Сад (Србија) – стручен член;
• д-р Ема Алихоџиќ Јашаровиќ, доцент на Архитектонскиот факултет, Универзитет во Црна Гора – стручен член;
• Миљан Јоковиќ, архитект, претставник на Инженерската комора на Црна Гора – стручен член;
• Милан Маџгаљ, генерален секретар на Атлетскиот сојуз на Црна Гора – член;
• м-р Жељка Чуровиќ, Урб./дипа, раководител на Дирекцијата за следење на состојбите во просторот во Министерството за просторно планирање, претставник на распишувачот – член.

Рокови на конкурсот

• Конкурсот е отворен од понеделник, 14 октомври 2024 година.
• Рок за поднесување трудови е недела, 15 декември 2024 година, до 14:00 часот
• Краен рок за прашања е петок, 25 октомври 2024 година.
• Резултатите од конкурсот ќе бидат објавени до среда, 25 декември 2024 година.
• Распишувачот ќе ги објави резултатите од натпреварот по одлуката на жирито и извештајот на жирито.

Награден фонд

• Прва награда – 25.000 евра
• Втора награда – 15.000 евра
• Трета награда – 8.000 евра
• Три откупи – по 3.000 евра