Рај за земјоделци и романтичари – рустична куќа во срцето на Англија

Оваа уникатна камена викендица се наоѓа меѓу прекрасно уредените градини во срцето на Англија и е вистински мал рај за сите љубители на земјоделството.

Но, и за сите романтичари, бидејќи патеката што води до оваа убава зграда е нешто како оние мали патеки за кои читаме само во бајките. Густа шума, ливади, прекрасно уредени градини – сето тоа се „пречки“ кои мора да се надминат за да се дојде до имотот и куќата која била изградена далечната 1809 година, но која оттогаш претрпела бројни трансформации.

Областа позната по својата недопрена природа се состои од богати и разновидни градини кои се развиваат и внимателно се одржуваат со децении заедно со густа ограда и разновидни дрвја кои обезбедуваат сенка и потребна приватност. Покрај неприкосновената дива убавина, овој дел од имотот нуди и голем избор на сезонско овошје и зеленчук, а има и стакленик како и помошни простори кои се користат за садење, складирање дрва, но и престој на отворено за време на топлите месеци.

Големиот влезен хол е идеално место за уживање во ручек, но и фантастичен поглед на околната градина. Главниот простор за живеење се наоѓа на едната страна од ходникот – тоа е друга просторија со неверојатни прозорци и огромни стаклени врати кои се отвораат за да ги одведат домаќините на терасата. Трпезаријата доаѓа во пакет со кујната, а заедно се наоѓаат во најстариот дел од куќата. Овие простории се исто така полни со топлина и оригинални детали како што се дебели изложени греди, цврсти дрвени подови, па дури и шпорет на дрва. Кујната е опремена со рачно изработени ормари, самостојни работни површини и големи прозорци.

Благодарение на централното отворено скалило, обезбеден е пристап до горниот кат, кој се состои од две спални соби, од кои секоја гарантира не само удобно место за спиење, туку и доволно (добро дизајниран и исклучително оригинален!) простор за складирање. Вреди да се спомене и пространата работилница или студио кое се наоѓа спроти главната куќа и кое нуди дополнителен простор за работа и живот.

За крај, да напоменеме дека оваа недопрена природа е идеална за сите оние кои сакаат долги попладневни прошетки, бидејќи во околината на оваа дива куќа има бројни јавни пешачки патеки кои се чини дека се создадени за подобро да го објаснат значењето на зборот “селска идила“.