ПВЦ прозорецот треба да е функционален најмалку 30 години

Во Македонија функционираат преку 500 фирми кои се занимаваат со продажба и монтажа на ПВЦ прозорци. Некои од нив нудат прозорци нагласувајќи дека се со профили од познати германски производители како „Трокал“, „Саламандер“, „Рехау“, „Века“ или други, без притоа да ги информираат клиентите дека профилот не е единствениот составен елемент што го дефинира квалитетот и цената на прозорецот. За да еден прозорец биде функционален, долговечен и да обезбедува одлична изолација, од голема важност се и останатите елементи: термопан или стаклото, железо во ПВЦ профилот и оковот. За да знаете дали сте добиле добра понуда и цена за ПВЦ прозорец, треба да го знаете квалитетот на сите елементи од прозорецот. Исто така, подеднакво важно е искуството на монтажната служба и дали компанијата изведувач дава писмена долгогодишна гаранција.

Прозорците не се менуваат често како мебелот или апаратите за домаќинство. Рокот на траење во просек е 30 години. Замената на прозорците отвора и други трошоци како што се рушење на ѕидовите, изнесување шут, опшивка на ѕидовите после монтажа, така што замената не е едноставна. Прозорецот може да биде украс во просторот и да му даде посебна димензија, но најважно е да овозможи изолација, а со тоа и комфор во домот. Uw= 1.0 W/m2K е бројка која означува коефициент на топла пропустливост и таа е најважна карактеристика што треба да се земе предвид кога се купуваат ПВЦ прозорци.

Затоа од особена важност е на кого ќе ја дадеме довербата, и ќе бидеме сигурни дека и после многу години изведувачот ќе биде уште присутен на пазарот за да може да ни ја обезбеди гаранцијата и да ни ги сервисира прозорците доколку има потреба. Прозорците од понудата на „Проспера“ се составени од докажани профили, окови и термопани. Склопени се на најсовремени CNC машини со минимално учество на човечки фактор со што грешките се минимизирани. Покрај стандардните бели ПВЦ прозорци, имаат и добар избор на ПВЦ прозорци со имитација на дрво или прозорци од масивно дрво кои ќе му дадат топлина на просторот.

Гаранцијата во „Проспера“ е 10 години за профилот, 5 години за оков и 5 години за термопанот. Монтажата ја прават лица со големо искуство во монтажата на ПВЦ столарија. Има интересен податок дека монтажерите на „Проспера“ само во текот на 2016 година монтирале над 10.000 м2 прозорци. Прозорците ги поставуваат и нивелираат правилно, се монтираат по пропишани стандарди за да се добие очекуваната функционалност. Правилното и целосно пополнување околу прозорците со пур пена е важно за изолацијата, како и правилната опшивка околу прозорците, што придонесува да има добра изолација и спречување на влага.

За да можеме да процениме дали една понуда за ПВЦ прозорци е добра, треба да знаеме малку повеќе и за останатите елементи од прозорецот, а не само за профилот:

– Термопанот зазема поголема површина од профилот (околу 80% од прозорецот отпаѓа на стаклото) и има најголем удел во изолацијата на целиот прозорец. Стаклото задолжително треба да биде нискоемисионо или 4 сезони, пожелно е полнењето помеѓу стаклата да биде со аргон. Трослоен термопан има поголеми изолациски својства од двослоен термопан. Исто така, поголем простор помеѓу стаклата има удел во изолациските својства на термопанот, трослоен термопан од 36 мм и трослоен термопан од 50 мм немаат исти изолациски својства. Експертите ги препорачуваат стаклата произведени од Guardian, американска компанија која е светски лидер во производство на специјални стакла, со свои фабрики во 25 држави на 5 континенти.

– Железо во ПВЦ профил се става за да ја зголеми цврстината и стабилноста на ПВЦ профилот. Без железо прозорецот би се кривел и не би функционирал исправно. Во „Проспера“ во секој прозорец поголем од 50 см се става железо со дебелина од 1,2 до 2 мм зависно од димензијата на прозорецот.

– Оковот има најголемо влијание во функционалноста и безедноста на прозорецот. Експертите препорачуваат прозорци со оковот winkhaus acivepilot, последна класа на оков од брендот winkhaus, произведен во Германија, кој овозможува висока класа на сигурност против кражби.