Пуштена во погон втората по големина ветерна централа во светот

Втората по големина ветерна фарма во светот Gwynt y Môr, оддалечена осум милји од Ливерпулскиот залив и со инсталирана моќност од 576 MW, е пуштена во погон. Централата ќе произведува енергија која на годишно ниво ќе може да ги задоволи потребите на 40.000 домаќинства.

Ветерните турбини се високи 150 метри над морската површина со инсталирана моќност од по 3,6 MW, а некои имаат тежина и од 700 тони. Инсталирани се на длабочина до 28 метри. Инвестицијата вреди две милијарди фунти, а партнери во проектот се: RWE (86%), минхенското електростопанство Stadtwerke Munchen (30%) и Siemens (10%). Со оваа инвестиција енергетскиот гигант RWE сега се вбројува меѓу „топ 3“ европски off-shore сопственици на ветерни централи.