Пуштен во сообраќај Кримскиот мост – проект вреден 3 милијарди евра

Рускиот претседател Владимир Путин вчера го отври огромниот мост кој ќе го поврзува Крим со Русија и ќе ја намали сообраќајната изолираност на полуостровот кој Москва го анектираше во 2014 година.

Кримскиот мост, долг 19 km, оди преку Керчкиот премин кој го раздвојува Азовското од Црното море и го поврзува полуостровот Керч на Крим с Таманскиот полуостров на југот на Русија. Путин пушти во сообраќај дел од мостот наменет за патен сообраќај со четири ленти, возејќи камион. Во иднина на мостот се планира изградба на железнички дел со две пруги.