Првиот воз на водород почна да вози во Германија

Компанијата за одржлива мобилност Alstom од Франција ланираше две комерцијални возила од серијата Coradia iLint. Возовите веднаш се ставени во промет што значи дека за неколку дена без проблеми ќе може да се превезуваат патници меѓу градовите Kukshafen, Bremerhafen, Bremerverde i Bukstehude.
Henri Poupart-Lafarge, претседател и извршен директор на Alstom, вели дека возовите iLint Coradia претставуваат вистинска револуција и иднината на мобилноста. Сега, кога првиот воз од водороден погон почна да испраќа патници, тој е подготвен и за сериско производство, известуваат странските медиуми.
Досега во овој дел на Јужна Саксонија сообраќаат два такви возови од вкупно 14. Се очекува дека до крајот на 2021 година ќе се заменат и другите дванаесет. На овој начин, Јужна Саксонија ќе стане првиот регион во светот со развиена мрежа на водородни погони.
Важно е да се нагласи дека жителите на областа во возниот ред нема да забележат било какви промени, бидејќи нови возови се исто толку брзи како и оние кои одат на дизел. За еден резервоар од водород, возовите на Coradia iLint можат да достигнат до илјада километри со максимална брзина од 140 километри на час.

“Водородот е реална, ниско-емисивна и ефикасна алтернатива на дизел. Со овие возови може да се управува на чист и еколошки начин, особено во секундарните железнички мрежи, каде што надземните линии се неекономични или уште не се достапни“, заклучува Enak Ferlemann, комесар на Сојузната влада за железнички сообраќај и секретарот на Сојузното министерство за транспорт и дигитална инфраструктура во Германија .
Водородните возови се далеку поскапи од нивните претходници, што е главната причина зошто не сите земји во Европа ќе можат да се префрлат на таква брзина, но тие се многу полесни за одржување. Исто така, е интересно што тие се многу потивки од претходните и работат со конвертирање на водородните и кислородните ќелии во електрична енергија, при што вишокот енергија се складира во литиум-јонски батерии. Водата и пареата се единствените работи што овие револуционерни возови ги исфрлаат за време на работата.