Првата хидраулична вертикална фарма во светот

Во Компанијата Sky Greens, со седиште во Сингапур, создадоа вертикална фарма, која со помош на денешната технологија е целосно енергетски ефикасна и еколошки настроена кон околината. Целта на ваквиот вид фарма е производството на што поголемо количество храна во брзо растечката популација на луѓе во светски рамки. Системот Sky Greens претставува првата хидраулична вертикална фарма за производство на храна во светот, каде што зеленчукот е поставен на различни полици, овозможувајќи им на оние на пониските нивоа полесно да се наводнуваат, додека зеленчукот насаден на погорните полици полесно да прима дневна светлина. Предноста на оваа фарма е помалата потрошувачка на вода и енергија за нејзино одржување и нејзино истовремено производство на дури 10 пати поголемо количество на храна од регуларните фарми.