Прва ретроспектива на Јулије Книфер во МСУ во Загреб

Музејот на современа уметност во Загреб во подготовка е на првата ретроспективна изложба на големиот хрватски уметник Јулије Книфер (Осијек,1924 – Париз,2004), уметник кој со својата интерпретација на меандерот како ликовен мотив и со својот неконвенционален пристап на медиумот на сликарството ја одбележа втората половина на 20 век. Ретроспективата ќе се состои од избор на клучни дела од колекцијата на Музејот, и со дела кои ќе бидат позајмени од многу приватни и јавни колекции, вклучувајќи и најважните збирки во светот на модерната и современата уметност, како што се на МоМА во Њујорк, Центарот „Жорж Помпиду“ во Париз, итн. Некои од овие дела никогаш порано не биле изложени во Хрватска.