Прв интерконтинентален комерцијален лет на биогориво

Првиот авион на биогориво на компанијата Quantas Airways, по 15 часовен лет, од САД до Австралика, во вторникот слета во Мелбурн. Авионот користел мешовито гориво, кое е 10% произведено од индустрискиот тип на семките горушица (brassica carinata). Типот на авионот бил Boeing Dreamliner 787-9 и сообраќал на редовна патничка линија . Притоа емисиите на јаглерод диоксид се намалени за 7% споредено со вообичениот лет н аистата линија. Покрај тоа, ова биогориво од семки горушица, придонесува за намалување на емисијата на стакленички гасови за 80% во текот на целиот животен циклус. Растението е одржлив извор на гориво за фармерите, а речиси во еден ден по жетвата, маслото се издвојува и може да се користи во тракторите. Имено, секоја втора или трета година, може да се одгледува и користи локално, или пак да се извезува како гориво за авиони. Голем дел од био дизелот кој во моментот се одработува потекнува од отпадно масло, од трговијата со риби и сл. Меѓутоа, не постои континуитет во снабдувањето од таквите извори, што е голем проблем за индустријата за биодизел во Австралија. Еден хектар засеан со brassica carinata може да се искористи за производство на 400 l, гориво за авиони или за 1400 l биодизел, објави The Guardian.