Пронајдена еколошка замена за ладилниот медиум R 466A

Додека како замена за ладилниот медиум R 410A  кај помалите системи за климатизација веќе подолго време се користи R 32, досега сеуште немаше прифатливо решение за системите со променлив волумен на работниот медиум. Но, сега би можело да се каже дека решението е на повидок. Неодамна е претставено ладилното средство со ознака  R 466A.  Се работи за медиум развиен од страна на американската компанија Honeywell и која се појавува и под трговското име Solstice N41. Станува збор за смеса од R 32 (49%), R 125 (11,5%) и CF₃I (39,5%).  Новиот работен медиум е неотровен, незапалив, и негорив, па се вбројува во групата  A1 и има потенцијал на глобално загревање  GWP = 730, односно само  35%  од вредноста за R 410A. Има многу слични термодинамички и физички својства како R 410A,  поради што ќе бидат потребни мали адаптирања на постоечките системи за климатизација. Сепак, како мал недостаток, стручњаците засега го споменуваат користењето на  CF₃I  во составот, чиј потенцијал на разградување на озонот изнесува  ODP (Ozone Depletion Potential) = 0,01 – 0,02. Новиот ладилен медиум се очекува да се појави на пазарот  во 2019 година, објави германското стручно списание CCI Zeitung.