Промовиран проектот „Подобрување на управувањето со заштитени подрачја“

Со новиот проект на УНДП и ЕУ и средства во висина од над 4 милиони евра ќе се подобрува управувањето со заштитените подрачја во Македонија и ќе се поттикнува одржливото искористување на природните ресурси. Инвестирањето во заштитата на природата носи економски придобивки за општините, а точно во таа насока е и овој проект истакна Анита Коџоман раководителот на програмата за животна средина во УНДП, на Информативниот ден кој се одржа во Струга. Во рамките на овој проект предвидено е да се доделат 20 грантови во наредниве 2 години кои ќе бидат искористени како за развиените и етаблирани заштитени подрачја, така и за помалку развиени заштитени подрачја, а предвидено е да се изградат и неколку мали пречистителни станици.