Промоција на рециклирањето: Виена дели необични кеси за ѓубре

Новата кампања за одвојување на отпадот, која ја спроведува Одделот на Град Виена за управување со отпад (MA48), користи кеси за ѓубре со модерен дизајн. Портокаловите кеси со натпис од култната реплика од филмот Терминатор “I’ll be back”, Градот ќе ги испраќа до домаќинствата, а специјалните изданија може да се купат за две евра. Со пораката “I’ll be back”, се алудира на рециклирањето на отпадот и повторното користење на материјалите. Приходот од продажбата на овие кеси е наменет за домот за напуштени животни TierQuartier. Виена е првак меѓу австриските градови во управувањето со отпадот.