Промоција на музејската поставка „Златото на Лихнитида“

Во музејот „Робевци“ во Охрид денеска ќе биде промовирана постојаната музичка поставка „Златото на Лихнитида“.

Во ексклузивната поставка во Златната соба ќе бидат изложени околу 400 златни и позлатени предмети откриени на археолошките локалитети во Охрид и охридско, со хронолошка припадност од 7 век пред нашата, па се до 19 век од нашата ера. Златните предмети ќе бидат изложени во специјална витрина која се движи во круг, а просторијата, како и целиот објект ќе бидат соодветно заштитени. Ќе биде промовиран и каталогот „Златото на Лихнитида“.

На промоцијата ќе се обрати министерката за култура Елизабета Канческа-Милевска.