Промоција на книгата „Илустрирана библиска етика“ во МКЦ

Вечер со почеток од 20 часот во Младинскиот културен центар ќе се одржи промоција на книгата „Илустрирана библиска етика“, изложба и концерт.
„Илустрирана библискa етика“ е книга со 100 цртежи на изреки од Библијата. Нејзината цел е да ги погледне, преиспита, прoтолкува и рефлектира вековните вредности преку современа ликовна интерпретација на: Иван Ивановски, Горан Дачев, Никола Радуловиќ, Владимир Лукаш, Атанас Ботев, Ѓорѓе Јовановиќ, Андреј Анастасов – Даскаловски и Миле Ничевски.

Настанот ќе го отворат Женскиот младински хор на МКЦ и Јанинка Невчева на органа со изведба на делото Lux Aeterna од Александар Пејовски, специјално компонирано за оваа пригода, а од 22 часот на платото пред МКЦ ќе настапат Ice Soul Combo, К.Н.Н.Т и Арлекин.