Проектот “U” бариера на BIG која ќе го штити Менхетен од поплави

Како дел од иницијативата да се оживеат деловите од САД кои беа погодени од ураганот Сенди во 2012 година, BIG (Bjarke Ingels Group) во соработка со холандската фирма One Architecture, работат на проектот за т.н.”U” шема како заштитен систем кој ќе продолжи 10 милји обиколувајќи го островот Менхетен. На тој начин ќе се заштитат објектите и луѓето од поплави и невремиња кои се чести за ова поднебје.

Клучниот момент на проектот, како што вели познатиот дански архитект Бјарк Ингелс, е тоа што луѓето визуелно нема ни да ја забележат бариерата, туку само пејзажот кој ќе ја сокрива инфраструктурата.

Овој проект вреден 335 милиони долари, зад својата основна заштитна функција ќе креира паркови и јавни простори кои ќе одговорат на потребите на зедницата. Составен од три оддели кои би функционирале независно, со физички автономни заштитни зони кои по потреба можат поединечно да бидат изолирани. Одделите заедно го зајакнуваат и штитат градот, но сепак секоја област е дизајнирана да работи одделно.

Помеѓу мостот Менхетен и улицата Монтгомери, ѕидовите се приспоени на долната страна кон FDR диск кој ги придвижува кога се заканува опасност. Декорирани од локални уметници, панелите кои ја чинат оваа подвижна структура, создаваат декоративен покрив кога не е во употреба. Во ноќта, светилките интегрирани во панелите создаваат безбедно и сигурно место за релаксација и уживање во глетката кон морето.