Продажен салон за брендот “Coach” од архитектонското студио ОМА

Инспирирани од јасноста на оригиналната, систематска продажна стратегија на брендот „Coach“, ОМА доаѓаат до концепт на модуларна изложбена единица, која сама по себе е доволно флексибилна за да може да се приспособи на специфичните потреби на секој продукт, како и на трговската средина. Просторните можности на овој високо функционален простор ја зајакнуваат мисијата на брендот за репрезентација на „логика и магија“.

Деветтата продажна единица на брендот „Coach“ претставува двокатен простор, на аголот на Омотесандо, значаен трговски коридор во Токио. Во споредба со стилот и изразот на декоративните елевации кои го карактеризираат дистриктот Омотесандо, дизајнот на OMA интегрира „дисплеј“ на фасадата, кој безрезервно го прикажува присуството на брендот од внатре кон надвор.