Пробно возење за првиот воз на батерии во Германија, после 60 години

Првиот воз во Европа погонуван на батерии, го започна своето патување од Берлин кон југозападот на Германија. Иако концептот е познат повеќе од 60 години, овојпат тој е повторно популаризиран од страна на канадската компанија Bombardier, преку верзијата на електричен – хибриден воз – Bombardier Talent 3. Овој модел е развиен со средства од 4 милиони УСД обезбедени од страна на германската влада. Возовите користат различни комбинации на мотори и батерии. Првично, верзијата која е пуштена на тест возење има опсег од 40 километри со едно полнење, но идните верзии ќе бидат со домет од 100 километри. Времетраењето на тест периодот ќе биде 12 месеци, и се спроведува од страна на Deutsche Bahn (DB) во југозападна Германија.