Пробно возење на јапонскиот воз „куршум“ со брзина од 382 километри на час

Јапонскиот експериментален воз „куршум“, изврши пробно возење со брзина од 382 километри на час.

Првиот тест на новиот воз наречен „Алфа Х“ го изврши железничката компанија „Источна јапонска железница“, а брзината што ја постигна беше 382 километри на час. Ова е прва пробна патека на возот, чиј развој беше завршен во мај 2019 година.

Инаку, овој воз достигнува максимална брзина од 400 километри на час.

Тест-возењето беше успешно изведено на линијата Тохоку Шинкасен, која ги поврзува префектурата Токио и Аомори. Возењето помеѓу станиците Сендаи и Мориока трае обично 75 минути, а со „метак“ траело само 40 минути.

Патем, откако е завршен, возот „куршум“ тој не бил оставен. Ова било прво тест возење, но пред тоа биле извршени тестови со десет вагони без патници со брзина од 360 километри на час. Овие тестови собраа важни податоци потребни за понатамошен развој.

Возовите во Јапонија моментално достигнуваат брзина до 320 километри на час, но една од главните разлики меѓу новиот воз и постојните се специјално дизајнираните предни и задни вагони. Тие се направени за да се прилагодат на разликите во јачината и насоката на ветерот. Кога возот се упатува кон север, тој користи преден вагон долг 22 метри, кој е седум метри подолг од другите во серијата Е5. Исто така, при движење кон југ, тој користи 16-метарски преден вагон.

Системот за сопирање на возот „Алфа Х“ се наоѓа на покривот, како и новиот систем на електромагнетна отпорност. Целиот систем на сопирање е значително подобрен. Со цел патниците да бидат што поудобни за време на толку големи брзини, системот за амортизација е подобрен, што ги намалува хоризонталните и вертикалните вибрации на минимум.