Приватниот дел од Белата куќа според вкусот на семејството Обама

На 8 ноември, Американците би требало да дознаат кој ќе седи во претседателската фотелја. Поточно, дали Хилари Клинтон или Доналд Трамп ќе седнат во Белата куќа, која се наоѓа на адреса 1600 Pennsylvania Avenue NW во Вашингтон.

Но, да се вратиме малку во минатото. Белата куќа е дизајнирана од страна на ирскиот архитект Џејмс Хобан, а изградена е на локација избрана од првиот американски претседател Џорџ Вашингтон и од градскиот планер Pierre L’Enfant, во периодот 1792-1800, по што неколку пати била надоградувана.

Претседателот Џон Адамс се преселил во Белата куќа на 1 ноември 1800 година, а сите американски претседатели по него живееле во објектот за време на своите мандати.

Последниот и се уште активен претседател Барак Обама, пред своето напуштање од Белата куќа беше домаќин на престижниот Architectural Digest, поточно во приватниот дел на претседателската палата, дизајниран од страна на Мајкл С. Смит.