Прилеп со нова автобуска станица

За помалку од месец се очекува да се отвори новата автобуска станица во Прилеп на која интензивно се работи. Фирмата „Пелагонија бус“ што ќе стопанисува со овој објект за корисниците на услугите ќе овозможи една нова современа автобуска станица која ќе биде партерно поврзана со железничката станица во еден современ транспортен центар.
Во рамките на новата автобуска станица ќе има чекална, билетара и други придружни објекти.
Исто така, со посредство на Владата на Република Македонија и Министерството за транспорт и врски добиен е нов проект од Европската Унија за реконструкција на железничката станица со кој Прилеп ќе добие и нов транспортен центар.