Пријатна спална соба со ретро дизајн

Спалните соби претставуваат еден од најважните простори во еден дом. Просторот во кој се опуштаме, одмараме и релаксираме секогаш мора да ни дава огромна доза на комодитет. Токму поради ова дизајнерите даваат голема важност на овие простории.

Оваа спална соба во својот дизајн користи ретро материјали како полна тула и ретро предмети кои одлично се вклопени во ентериерот.

Покрај тулата, тука се вградени и материјали како дрво, метал и жица со што се формира одлична композиција на материјали.

Како еден од главните и најинтересни елементи се старите куфери, кои наредени еден врз друг формираат одличен елемент од ентериерот кој служи како тоалетна масичка.

Исто така, интересни елементи се и фотелјата заедно со ламбата, металната полица и интересниот тепих.