Преговори за нов реактор во Бугарија

Бугарија планира да изгради уште еден реактор со моќност од 1000 до 2000 MW во НЕ Козлодуј, што би требало да го испорача американската компанија Westinghouse. Со тоа, Бугарија е една од ретките земји од Европската Унија која по несреќата во Фукушима, продолжува со својата нуклеарна програма во енергетиката.

Во моментот централата Козлодуј има два реактори од советско производство. Се очекува преговорите со производителот на опремата да завршат до септември 2014, а во стручните кругови се проценува дека вредноста на проектот ќе достигне 8 милијарди долари.

Извор: elektroenergetika.info