Предизвици за имплементирање на Digital Twin технологијата во AEC индустријата

Digital Twin технологијата брзо еволуираше во последните години, станувајќи една од најперспективните иновации во индустријата за архитектура, инженерство и градежништво (AEC). Овозможува континуирано следење, предвидлива аналитика и донесување одлуки водени од податоци во текот на животниот циклус на зградата или инфраструктурата. Од подобрување на ефикасноста до зајакнување на соработката и обезбедување поодржливи градежни практики, придобивките од оваа технологија се огромни. Сепак, и покрај нејзиниот потенцијал, усвојувањето во градежната индустрија е далеку од широко распространето. Многу компании се соочуваат со значителни предизвици кои ја забавуваат, па дури и ја спречуваат нивната способност да ја имплементираат оваа врвна технологија.

Во оваа статија, ќе ги откриеме клучните бариери со кои се соочуваат фирмите во AEC индустријата кога усвојуваат ваква технологија и ќе понудиме практични решенија за надминување на овие предизвици.

1. Комплексност и интеграција на податоците

Една од најзастрашувачките пречки за усвојувањето на Digital Twin технологијата е справувањето со сложеноста на интеграцијата на податоците. Оваа технолофија влече информации од различни извори како што се BIM, Point Cloud податоци и софтвери за менаџирање што се користат во градежништвото. Овој прилив на податоци мора да биде прецизно менаџиран за да функционира правилно. Предизвикот се јавува затоа што различни учесници во градежниот проект – архитекти, инженери и изведувачи – често користат различни алатки и платформи. Овие алатки генерираат податоци во различни формати кои ја попречуваат ефективната соработка. Во отсуство на унифицирана рамка за податоци, интегрирањето на сите овие текови на податоци во една технологија како што е Digital Twin станува огромен и скап потфат.

Решение: Клучот за надминување на овој предизвик лежи во стандардизирањето на форматите на податоци и прифаќањето на стандардите за отворени податоци како што се Industry Foundation Classes (IFC) и BIM Ниво 3 протоколите. Со тоа, засегнатите страни можат поефикасно да споделуваат и разменуваат податоци на различни платформи. Понатаму платформите кои што служат за соработка можат да дејствуваат како централни складишта, осигурувајќи дека сите проекти и податоци се складирани, достапни и ажурирани во реално време. Иако постигнувањето беспрекорна интеграција на податоците е сложено, инвестирањето во вистинските алатки и протоколи може значително да ја подобри ефикасноста на Digital Twin технологијата, за на крајот да овозможи подобрување на соработката низ целиот животен циклус на проектот.

2. Високи почетни трошоци

Друга значајна бариера за усвојување се високите почетни трошоци поврзани со имплементацијата. Создавањето и одржувањето на оваа технологија вклучува значителни инвестиции во напредни сензори и висококвалитетни софтверски платформи. Ова е особено предизвик за помалите фирми кои можеби немаат ресурси однапред да инвестираат во таква технологија. Дополнително, трошоците не застануваат на опремата и софтверот. Спроведувањето на Digital Twin исто така бара специјализирана експертиза, што значи дека компаниите мора да инвестираат во обука на работната сила или да ангажираат надворешни консултанти за управување со технологијата. Овие комбинирани трошоци често ги одвраќаат фирмите од усвојување на оваа технологија.

Решение: Иако првичните трошоци може да изгледаат преголеми, од суштинско значење е да се земат предвид долгорочните придобивки и потенцијалните заштеди на трошоците што може да ги донесе оваа технологија. Digital Twin технологијата овозможуваат предвидливо одржување, рано откривање на структурни проблеми и подобра оперативна ефикасност, а сето тоа може значително да ги намали трошоците за животниот циклус и да ја продолжи долговечноста. За компаниите загрижени за првичните трошоци, фазен пристап кон усвојување на технологијата може да биде решение. Наместо да се обидуваат да се имплементираат во целосен обем од самиот почеток, фирмите можат да започнат со помали пилот проекти кои ја демонстрираат вредноста на технологијата без некои поголеми тешкотии. Овие пилот проекти може постепено да се прошируваат бидејќи компанијата станува поудобна со технологијата и може да види мерливи придобивки од инвестицијата.

3. Недостиг на вештини во работната сила

Усвојувањето на Digital Twin технологијата бара повеќе од само стекнување на потребните алатки и софтвер – исто така бара работна сила која може ефективно да работи и управува со технологијата. За жал, AEC индустријата моментално доживува значителен недоститиг на работна сила која ги поседува овие вештини, особено во областа на дигиталната експертиза. Професионалците од различни сектори на AEC индустријата кои се учесници во градежните проекти можеби не се запознаени со сложените дигитални екосистеми потребни за имплементација на оваа технологија. Слично на тоа, технолошките поединци можеби немаат специфични знаења за индустријата потребни за ефективно да ја применат оваа технологија на градежни проекти. Овој недостиг на вештините создава тесно грло, спречувајќи ги компаниите целосно да ги капитализираат придобивките од дигиталната технологија.

Решение: Надополнување на овој недостиг на вештините ќе бара заеднички напор и од компаниите и од образовните институции. Компаниите треба да дадат приоритет на развојот на работната сила нудејќи програми за обука и иницијативи за унапредување на вештините што ќе ги охрабрат вработените да работат со Digital Twin технологијата. На пример, BIM менаџерите и менаџерите на градежните проекти можат да поминат специјализирана обука за Digital Twin софтвер, анализа на податоци и интеграција.

Дополнително, партнерствата помеѓу градежните компании и универзитетите или давателите на обуки може да ја поттикнат следната генерација на професионалци кои се добро упатени во оваа технологија да го надополнат недостигот. Со вградување на овие вештини во наставните програми, образовните институции можат да обезбедат работна сила која после нивното дипломирање тие се опремени со потребното знаење и може да ја применат најновата технологија во градежните проекти на компанијата.

4. Отпорност на промени

Отпорот кон промените е предизвик кој се повторува во градежната индустрија, каде што традиционалните процеси и методи често доминираат во работните процеси на проектот. И покрај јасните придобивки од дигитализацијата, многу индустриски професионалци се двоумат дали да ја усвојат технологијата бидејќи таа го нарушува начинот на кој работите отсекогаш се правеле.

Градежните тимови навикнати на процеси базирани на хартија или едноставни дигитални алатки можеби не сакаат да се префрлат на покомплексен пристап базиран на податоци. Дополнително, носителите на одлуки кои што се високо позиционирани во компаниите и кои не се запознаени со дигиталната технологија не сакаат да инвестираат во нешто што тие го сметаат за недокажано или непотребно.

Решение: Надминувањето на отпорот кон промени бара пристап од горе надолу кој започнува со образование и свесност. Носителите на одлуки и засегнатите страни во проектот треба да ги разберат долгорочните придобивки од Digital Twin технологијата, не само во смисла на заштеда на трошоци, туку и во однос на квалитетот, ефикасноста и одржливоста на проектот.

Примерите од реалниот свет можат да бидат моќни алатки за илустрација на опипливите придобивки од дигитализацијата. Преку прикажување на успешни имплементации и истакнување на мерливи подобрувања на резултатите од проектот, компаниите можат да изградат убедлив случај за промени и да го намалат отпорот помеѓу членовите во тимот.

5. Загриженост за сајбер безбедноста

Бидејќи овие технологии во голема мера се потпираат на податоци во реално време и меѓусебно поврзани системи, сајбер безбедноста е значајна грижа. Компромитиран формат може да изложи чувствителни податоци, да ги наруши распоредите за изградба, па дури може и да претставува безбедносен ризик доколку хакерите добијат пристап до оперативните системи на зградата.

Фирмите во AEЦ индустријата често се недоволно подготвени за предизвиците во сајбер безбедноста што доаѓаат со усвојувањето на новата технологија. На многу фирми им недостасува силна инфраструктура за сајбер безбедност потребна за заштита на податоците од сајбер напади, што ги прави ранливи.

Решение: За да се ублажат ризиците од сајбер напади, компаниите мора да усвојат проактивен пристап. Ова вклучува имплементација на силни протоколи за шифрирање, користење на безбедни платформи за складирање и спроведување на редовни безбедносни контроли. Понатаму, обуката за сајбер безбедност треба да биде дел од стратегијата за развој на работната сила за да се осигураат дека сите вработени се свесни за ризиците и знаат како да ги заштитат дигиталните податоци.

Партнерството со експерти за сајбер-безбедност или инвестирањето во софтвер за сајбер-безбедност специјално дизајниран за градежната индустрија може да обезбеди дополнителни слоеви на заштита, осигурувајќи дека податоците остануваат безбедни во текот на животниот циклус на проектот.

Заклучок:

Усвојувањето на Digital Twin технологијата во градежната индустрија претставува значителен скок напред во начинот на кој дизајнираме, градиме и одржуваме структури. Сепак, предизвиците поврзани со оваа технологија – кои се движат од интеграција на податоци и високи трошоци до недостиг на вештини, отпорност на промени и ризици од сајбер безбедноста – не можат да се игнорираат.

Со директно справување со овие предизвици, компаниите можат да го отклучат целосниот потенцијал на оваа врвна технологија и да се позиционираат во првите редови на дигиталната трансформација во AEC индустријата. Стандардизирањето на форматите на податоци, инвестирањето во развојот на работната сила, прикажувањето на придобивките од технологијата и зајакнувањето на мерките за сајбер безбедност ќе им овозможат на фирмите да ги прифатат промените и да ги реализираат нивните многубројни предности во ефикасноста на проектот, заштеда на трошоци и одржливост.

Автор: Илија Лошонц (Cadonia Australia)

Илија Лошонц е БИМ и Проект менаџер во Cadonia Australia, со повеќе од 7 години работно искуство. Како БИМ менаџер учествува во организација и следење на процесот за изработка на БИМ модел во различни фази на проектот, како и имплементација на БИМ стратегии. Веќе 4 години е гостински предавач на Каледониан универзитетот во Глазгов, Шкотска, на предметите за дигитални вештини како што се Revit, AutoCAD, Civil3D и Infraworks.

*Комерцијален текст:  Smart Solutions – авторизиран партнер на Autodesk во Македонија.