Предавање на Кристоф Фелгер од студиото David Chipperfield Architects Berlin на Архитектонскиот факултет во Скопје

Во вторник (10 ноември) во 19.00 часот во амфитеатарот на Архитектонски факултет свое предавање ќе има архитектот Кристоф Фелгер, кој е партнер и дизајн директор во едно од водечките светски архитектонски бироа во моментов David Chipperfield Architects од Берлин.

Предавањето носи наслов: Stories about designing, и Кристоф Фелгер ќе ја прикаже на присутните целата структура на развојот на нивните објекти, од идеја до реализација, со што овие искуства претставуваат вистинска свежина во професионалната заедница кај нас.

Ова вечерно предавање на архитектот Кристоф Фелгер, е дел од сесијата предавања предвидена со програмата на Архитектонскиот факултет за 2015/2016 година. Овие настани треба да бидат важни за развојот на архитектонската култура, како за академската, така и за професионалната средина во нашата земја.