Познатиот Либескинд и неговите студенти проектирале еколошки факултет

Познатиот архитект Даниел Либескинд ја дизајнираше новата зграда на Универзитетот Леуфан во германскиот град Линебург (Lüneburg), во соработка со своите студенти.

Имено, традицијата на овој универзитет е студентите да учествуваат во промените и развојот на кампусот. Новиот објект, наречен New Central Building, служи како нов јазол на кампусот и промовира дисциплинска и вкрстена интеракција помеѓу студентите и факултетот.

Огромното искуство на Либескинд и свежите идеи на студентите резултирале со импресивно решение во архитектонска и техничка смисла.

Во објектот со површина од 13.000 квадратни метри сместени се четири различни функционални делови: студентски центар, центар за семинари организиран на три ката, амфитеатар Либескинд со 1.100 седишта и истражувачки центар, кој се протега на останатите седум ката.

Процесот на соработка меѓу студентите и славниот архитект Либескинд, кој стои зад проектите како што се One World Trade Center и Совремниот еврејски музеј, се одржувал за време на семинарот што тој го водел, пишува Inhabitat.

Освен што се занимавале со функционалност и естетика, Либескинд и студентите преку својот проект значително биле фокусирани и на одржливоста.

Енергетски ефикасната зграда функционира благодарение на обновливите извори на енергија. Тука се зелените покриви, кои може да се видат и од внатрешноста, системот за отпадни води, како и иновативниот систем Cobiax со кој се добиваат лесно армирани бетонски плочи.