Познатата висечка светилка од Foscarini доби нов облик

Реномираната италијанска компанија Foscarini лансираше на пазарот нова форма на нивната позната висечка ламба Aplomb.

Моделот Large се потпира на оригиналниот дизајн, но е сплескан, а бетонскиот „абажур“ има поширок пречник, заради што своја примена може да најде како над трпезариските маси, така и на други позиции кои бараат пошироки висечки светилки.

Aplomb Large изгледа одлично кога се групира во просторот над повеќе маси.

За разлика од претходниот модел, Aplomb Large доаѓа со вградена LED сијалица (8,2W, 2700°К). Таа фрла светлина рамномерно надолу под широк агол.

Aplomb Large е направен од лесен бетон и тоа во три различни бои: бела, сива и кафена. Благодарение на својот изглед, добро ќе се вклопува во индустриските и минималистички ентериери.

Пречникот на висечката светилка е 44, а висината е 18 сантиметри. Максимална должина на кабелот е 180 сантиметри.