Пожарите во Лос Анџелес: Врвни примери на историска архитектура во опасност

Покрај ризикот за живототите на луѓето и имотот, шумските пожари кои моментално беснеат низ населбите на Лос Анџелес и околината носат дополнително ниво на страв. Пацифик Палисејдс е дом на невообичаено висока концентрација на архитектонски значајни згради. Многу од нив се во опасност, а некои се веќе уништени.

Меѓу значајните структури во рамките на официјалната зона на евакуација од пожари во овој дел од градот се познатите Case Study Houses, музејот Vila Getty, домот на писателот Томас Ман и Вила Аурора, како и делата на некои од најважните модернистички архитекти на 20 век, Richard Neutra, A. Quincy Jones, Eero Saarinen и други.

Меѓутоа, и некои од највредните културни институции во Лос Анџелес и врвни примери на историска архитектура се загрозени бидејќи пожарите се шират и надвор од Пацифик Палисејдс во Алтадена, Пасадена, Силмар, Топанга и понатаму. Еве што во моментов велат официјалните извештаи за нивната состојба.

И покрај гласините дека историската куќа Имс (Куќа студија случај бр. 8) изгорела во пожарот, LA Times дознава дека оваа скапоценост – останува неоштетена. Ова го потврди Лусија Атвуд, основач на фондацијата Имс и внука на легендарниот дизајнер Чарлс Имс.

куќа Имс

Таа вели: „Пожарите предизвикани од ветерот продолжуваат да ги погодуваат другите домови во заедницата и се се поблиску. Внимателно ја следиме ситуацијата и ги презедовме сите мерки на претпазливост за да ја заштитиме локацијата. Тимот на Фондацијата отстрани некои предмети од куќата во вторникот пред и самите да ја евакуираат зградата“.

Katherine E. Fleming, претседателка и извршна директорка на фондацијата J. Paul Getty Trust изјави во вторникот дека Vila Getty во Палисејдс се уште е неоштетена. Дрвјата и вегетацијата се запалиле, но вработените и колекцијата на антиквитети биле безбедни.

Vila Getty

Куќата Вила Роџерс, ранчот на познатиот актер, е уништена во пожарот во Пацифик Палисејдс. Во текот на 1920-тите, Роџерс изградил куќа со 31 соба и 11 бањи, пансион, терен за голф, штали  на околу 145 хектари. Во 1944 година, комплексот и неговите терени станале парк и музеј откако неговата вдовица Бети и ги подарила на државата.

Остатоци од Вил Роџерс 

Пожарот го проголта и Topanga Ranch Motel – историска низа од рустични колиби, изграден во 1919 година и некогаш во сопственост на бизнисменот William Randolph Hearst – кои претставуваа едни од последните преостанати примероци на бунгалови во стил на мотел од почетокот на 20 век.

Topanga Ranch Motel

„California State Parks жали за загубата на овие скапоцени природни и културни ресурси, а нашите срца се со сите оние кои беа погодени од разорните пожари во областа на Лос Анџелес“, рече директорот на State Parks, Armando Quintero во соопштението.

Во официјално соопштение се наведува дека куќата на Томас Ман и Вилата Аурора се безбедни, но и дека „влијанието на пожарот ќе стане целосно видливо дури во наредните денови. Ситуацијата во непосредна близина на Вила Аурора е особено тешка и мора да го очекуваме најлошото“.

Вилата Аурора е изградена во 1943 година за германскиот писател Лав Фојхвангер и неговата сопруга Марта и била место за собирање на германски и еврејски имигранти за време на Втората светска војна. Куќата Томас Ман е двокатна вила завршена во 1942 година за германскиот писател, нобеловец и неговото семејство. Живееле таму од 1942 до 1952 година, за време на егзилот на Ман од Германија.

The Gamble House, историски дом изграден во Пасадена во 1906 година за синот на основачот на Procter & Gamble, е дел од предупредувањето за евакуација од второ ниво поради пожарот во Итон. „Преземавме чекори за да ја обезбедиме куќата и нашата колекција што е можно повеќе“, вели претставник за печатот.

The Gamble House

Will Geer Theatricum Botanicum, омилениот театар на отворено во Топанга – познат по своите годишни претстави „Шекспир под ѕвездите“ – е под задолжителна наредба за евакуација. Претставник на театарот рече дека комплексот засега е безбеден, но дека тоа е „игра на чекање“.

театар на отворено во Топанга

За жал, најновите медиумски извештаи говорат дека Theatre Palisades – театар основан во 1963 година од тројца ТВ сценаристи – е во голема мера уништен во пожарот.

Theatre Palisades