Повеќе од 1/4 од Земјата ќе се претвори во пустина

Над една четвртина од површината на Земјата ќе се исуши дури и доколку човештвото успее да го ограничи глобалното затоплување согласно таргетот договорен со спогодбата од Париз, предупредуваат кинески научници. Решението може да биде во понатамошно намалување на таргетот во однос на темтературите и тој да изнесува 1,5 наместо 2 степени Целзиусови. Со тоа, делови од јужна Европа, јужна Африка, средна Америка, дел од Австралија и југостокот на Азија, ќе избегнат посериозна аридификација (претворање на пределите во пустина). Статијата е објавена во научното списание Nature Climate Change.