Поткровје во Фаенца од архитектонското студио Pinoni + Lazzarini Architects

Раслојувањето на временските рамки во обвивката на објектот е затскриено во внатрешноста на една современа архитектонска основа, чии спацијални карактеристики, белези на сегашноста, се изолирани од времената архитектура и се способни да развијат дијалог со минатото… Стариот историски град Фаенца дефинира слика на дом за млади и динамични семејства, што претставува примарна инспирација за артистичкиот пристап на архитектите при дефинирање на ентериерниот дизајн.


Просторот на кој се интервенира претставува напуштено поткровје во објект од 19 век, чии особености избледеле низ текот на годините, но сепак како константа останала неговата прочистеност. Затоа, особено внимание е посветено на потенцирање на ентериерот, заживувајќи ги интересните катчиња, генерирајќи интеракција која ја диференцира намената на просторот, обезбедувајќи непречени визури кон содржините на пониското ниво.


Артикулацијата на траси на движење обезбедува целосна употребливост на површините, непосредна релација помеѓу двете нивоа, како перцептивна така и физичка.

Едноставен, прочистен и класичен дизајн во современа интерпретација  ја презентира сликата за ревитализација на поткровјето. Како целина, проектот во себе го вклучува секој детаљ, затскриен зад ѕидовите на историскиот градски центар, кој се рефлектира на сегашното, модерно и автентично живеење.