Построгите еколошки правила ќе затворат една третина од термоцентралите на јаглен

Истражувањето спроведено од страна на Институтот за енергетска економика и финансиски анализи (IEEFA – Institute for Energy Economics and Financial Analysis) покажува дека построгите еколошки прописи за емисија на димни гасови може да резултираат во скапи модернизации или затворање на една третина од производните енергетски капацитети на јаглен. Земјите од ЕУ на 28 април дадоа зелено светло за предлогот големите термоцентрали да имаат построги ограничувања во однос на емисиите на сулфурни и азотни оксиди кои се сериозни причинители на повеќе болести. Интересно е дека земјите од поранешниот источен блок кои имаат сериозни капацитети на јаглен (во што предничи Полска), но и Германија  гласаа против.

Со цел ускладување со новите прописи електричните централи ќе мораат да направат сериозни вложувања во нови технологии и да го ограничат нивното работење на 1500 часа годишно, а во спротивно ќе треба да стават клуч на врата.   Според Институтот трошоците за модернизција на овие термоцентрали би ја покачиле цената на произведената електрична енергија за 8-11 евра по MWh.  Со истражувањето биле опфатени 600 термоцентрали во Европа.