Поставување на нови јавни тоалети во центарот на градот

Скопскиот градоначалник Коце Трајановски најави дека се планира поставување нови поквалитетни јавни тоалети во центарот на градот.
„Градот бара нов тип тоалети што имаат подобар изглед и кои ќе можат да бидат ставени во центарот на градот, бидејќи сегашните тоалети „тоифор“ немаат добар изглед за прометните места како што се плоштадите“, изјави Трајановски.
Тој посочи дека постапката за избор на новите тоалети ќе трае до Нова година и се надева дека градот ќе добие нови тоалети во почетокот на идната година.
„Тоалетите најверојатно ќе бидат поставени на плоштадите „Македонија“ и „Филип Втори“, на кејот на Вардар и на други места во централното подрачје, но тоа дополнително ќе го кажат службите“, рече Трајановски.