Појадок во друштво на жирафи? И ова го нуди еден хотел во Кенија

Во близината на Најроби, во Кенија, постои хотел во кој гостите можат да доживеат едно неверојатно искуство – да појадуваат со жирафите. Хотелот се вика Giraffe Manor, и тој во исто време е засолниште на заштитените видови Ротшилдови жирафи кои се единствени со пет рогови и потколеници во бела боја. Ова единствено место се простира на површина од 4,8 хектари, на приватен имот.

Хотелот пак, е колонијална вила која датира од 1932 година. Овде жирафите воопшто не се плашат од луѓето. Околку 7 часот кога почнува да се сервира појадокот, прозорците се отвораат, а животните ги провлекуваат своите вратови и весело ги поздравуваат гостите. Гостите можат да добијат и кошничка со храна доколку сакаат да ги хранат жирафите.