Подвиг на малиот град – од колапс до енергетска револуција

Varese Ligure е мал италијански град во провинцијата La Spezia, кој веќе одамна зачекорил во 21. век, ориентирајќи се кон обновливите извори на енергија. На тој начин градот се извлекол од тоталната економска пропаст. Денес местото е одржлива туристичка дестинација, позната по своето еколошко производство.

Но, жителите ги паметат и тешките времиња. На самиот раб на пропаста овој крај се нашол во 80-тите години од минатиот век, бидејќи немало ниту работа, ниту индустрија во која жителите би се вработиле. затоа, за краток период бројот на жителите се намалува од 6.000 на 2.500. Но, градските челници се зафаќаат во костец со својата судбина и одлучиле да најдат начин за зајакнување на економијата и заедницата. Градоначалникот одлучува токму слабостите на градот односно недостигот од индустрија и работни места, да ги претвори во предност.

Така градот станува идилична туристичка дестинација каде радиционалната архитектура се испреплетува со ветерните фарми и соларните паркови. Но, за оваа трансформација, секако, било потребно одредено време и едукација. Така, уште во 1996 година основан е Образовен центар за животна средина, со цел подучување на учениците, но и на возрасните за еколошките фарми, ветерните турбини, биомасата, соларните панели и одржливоста. За кратко време жителите сфаќаат дека органските производи имаат поголема економска вредност која им се враќа во вид на сертификат за еколошко производство. Во моментот во местото има 108 органски фарми.

Обновливите извори ан енергија го следат развојот на органското земјоделство. Ветерните турбини произведуваат три пати повеќе енергија од потрошувачката на градот. Постои и постројка за пречистување на отпадните води на градот. Вишокот произведена и продадена енергија обезбедува годишен приход од 30.000 долари. Преку обновливите извори на енергија создадени се 140 нови работни места, а туризмот забележува раст од 500%. Ова е доказ дека обновливите извори на енергија се извонредна комбинација со одржливото земјоделство.