Почнува изградбата на најголемиот ветерен парк во Холандија

Четири холандски банки неодамна објавија дека ќе ја финансираат изградбата на ветерниот парк  “Westermeerwind” во Холандија. Централата треба да биде завршена во 2015 година, и ќе произведува 500 GWh електрична енергија. Вредноста на овој проект е околу 320 милиони евра, а освен холандските банки во проектот ќе учествуваат и различни холандски компании (“Ventolines”, “Ballast Nedam”, “Mammoet”, “VSMC”, “Eneco”).

Инаку, овој ветерен парк ќе биде дел од најголемиот ветерен парк во Холандија “Wind Farm Noordoostpolder”, чија изградба треба да заврши во 2016 година.