Почна изградбата на музејот Гугенхајм во Абу Даби

Новиот музеј Гугенхајм на островот Saadiyat во Персискиот Залив, непосредно до Лувр во Абу Даби, е потпишан од кој друг ако не од познатиот Френк Гери, кој исто така го дизајнирал познатиот музејот Гугенхајм во Њујорк, но овој е поголем за околу 12 пати. Скулпторалната зграда изгледа како еден куп на блокови , а најмногу потсетува на музејот Гугенхајм во Билбао, кој исто така е потпишан од страна на познатиот архитект.

Гугенхајм музејот во Абу Даби ќе биде опкружен од три страни со вода, така што објектот ќе претставува вештачка брана на северната страна на островот.

Проектот на Музејот на Френк Гери е инспириран од експанзивните индустриски простори, а галериските простори ќе се разликуваат од оние во конвенционалните музеи. Изложбените простори со различни висини, форми и ликови ќе обезбедат флексибилност во организирањето на поставките, кои досега не постојат во Абу Даби.

Колекцијата ќе вклучува уметнички дела од сите делови ширум светот почнувајќи од 1960-тите до денес. Комисиите за музеи, создадени посебно за колекцијата на Гугенхајм во Абу Даби, ќе бидат посебно посветени на соработка со современи уметници и поддршка на продукцијата на современата уметност.