Почина Кристо – бугарскиот уметник кој ги завиткуваше зградите

Светски познатиот уметник Христо Јавашев – Кристо, почина во 84. година од животот во својот дом во Њујорк.

„Кристо го живееше животот со жар, не само фантазирајќи за работи кои се сметани за невозможни, туку и правејќи ги“, се вели во соопштението за неговата смрт.

Христо Јавашев е роден 1935. година во Габрово. Бегајќи од комунизмот ја напуштил Бугарија во 1957. година. Прво заминал во Прага, потоа во Виена, а оттаму во Женева. Една година подоцна се преселил во Париз, каде ја запознал Жана – Клод, која не му била само сопруга, туку и партнер во креативноста и уметноста. Таа починала во 2009. година.

Заедно станаа познати по оригинални поставки, вклучувајќи го и пакувањето на најпознатите светски градбуи и простори. Нивниот најпознат проект е завиткувањето на Рајхстагот во Берлин во 100.000 квадратни метри сребрена ткаенина.

Кристо во 1995 година го завика Рајхстагот во Берлин

Со ткаенина го завиткуваа брегот на Австралија, ги опколувале со ткаенина островите на Флорида, спуштиле платнена завеса во Колорадо, во Лондон пред две година направена е пловечка мастаба, составена од 7.506 буриња за нафта.

Пандемијата на коронавирусот го одложи завиткувањето на Триумфалната капија во Париз, но на официјалниот Твитер профил на Кристо, стои дека и покрај неговата смрт, проектот ќе биде реализиран.