Порта3 – градежништво, архитектура и екологија Порта3 – градежништво, архитектура и екологија
Американскиот архитект Rikardo Skofidio, најпознат како проектант на урбаниот парк „High Line“ и културниот центар The Shed во Њујорк, почина на 6. март 2025. година на 89-годишна возраст.
Од 1981. година, Skofidio го водиеше њујоршкото биро Diller Scofidio + Renfro во партнерство со неговата сопруга Elizabeth Diller и е одговорен за многу познати згради во „големото јаболко“.
Го обликуваше просторот на свој начин
Веста за смртта на Rikardo Skofidio беше објавена на Инстаграм профилот на бирото: „Со голема тага објавуваме дека основачот на DS+R, Rikardo Skofidio почина мирно на 6. март 2025. година на 89-годишна возраст. Беше опкружен со неговото семејство, вклучувајќи ја и неговата животна и деловна партнерката Elizabeth Diller“.
„Рик имаше големо влијание врз нашата архитектонска практика, основајќи биро со мисија да го обликува просторот на свој начин. Партнерите и директорите на фирмата, од кои многумина со него соработуваа со децении, ќе го продолжат неговото архитектонско наследство во работата што ќе ја обавуваме секојдневно“, се вели во соопштението.
урбаниот парк High Line, Њујорк
Меѓу најпознатите дела на Diller Scofidio + Renfro се бројни згради на културни институции во Њујорк, како и урбаниот парк High Line, кој е создаден во соработка со практиката James Corner Field Operations и пејзажниот архитект Piet Oudolf.
културниот центар The Shed, Њујорк
Исто така, во овој град бирото го проектираш културниот центар The Shed, проектираше значително проширување на Музејот на модерна уметност (MoMa), го реновираше Linkoln Centar и го проектираше станбениот облакодер 15 Hudson Yards.
Надвор од Њујорк, бирото создаде бројни добро познати и исклучителни проекти, вклучувајќи ги Broad Museum во Лос Анџелес и V&A East Museum во Лондон, како и паркот Зарјадје во Москва.
паркот Зарјадје во Москва
Замаглени граници меѓу уметноста и архитектурата
Цел живот њујорчанец, Skofidio е роден во овој град во 1935 година и студирал архитектура на Cooper Union School of Architecture, а потоа и на Универзитетот Колумбија. Почнал да предава на Cooper Union во 1965. година, а во 1981. година ја основал фирмата што стана Diller Scofidio + Renfro заедно со Liz Diller. Charles Renfro се придружил на бирото во 1997 година.
Broad Museum во Лос Анџелес
Раните проекти на студиото имале за цел да ги заматат границите помеѓу уметноста и архитектурата. Тие вклучуваат инсталација наречена Traffic во 1981 година која постави 3.000 сообраќајни конуси на прометната крстосница Columbus Circle во Њујорк во текот на 24 часа и соодветно именуваниот Blur павилјон на езеро во Швајцарија.
Blur павилјонот, Швајцарија
Бирото DS+R со седиште во Њујорк, денес вработува 100 луѓе. Има добиено бројни награди, меѓу кои и наградата на Кралската академија за архитектура во 2009 година, додека Skofidio, заедно со Diller, истата година беше прогласен за еден од највлијателните луѓе во светот од страна на магазинот Time.
