„Победникот“ се врати на Калемегдан

Симболот на Белград, создаден од Иван Мештровиќ, граѓаните ќе можат повторно да го видат на стариот локалитет. Тој застана покрај неговиот пиедестал каде сите посетители на Калемегдан ќе можат да пријдат и да го видат „Победникот“ одблизу.

Поставувањето на споменикот е закажано за денес и ќе трае околу два часа. Невенка Новаковиќ од Институтот за заштита на споменици вели дека реставрацијата на „Победникот“ чинела околу 200 илјади евра и дека споменикот морал да биде обновен затоа што бил во лоша состојба.

“Реконструкцијата беше неопходна за стабилност, затоа што микропоместувањето на споменикот постоело уште од монтажата. Темелите се стабилизираа, а потоа скулптурата беше демонтирана и транспортирана до ателјето … Се работеше на спасување на делото бидејќи беше во многу лоша состојба и постоеше можност скулптурата да се сруши“, вели таа.

Заедно со обновата на скулптурата во атлетијата Кузмановиќ, направени се работи и на постаментот и на столбот кај Калемегдан.

“На самата скулптура се интервенираше на 60 места, 30 и некои дупки постоеја од куршуми, имаше пукнатини на места каде што претходно биле деловите заварени, така што во внатрешноста на споменикот влегувала вода и правела оштетување“, додава Новаковиќ.

Таа истакнува дека изгледот на „Победникот“ е останат ист. “Не се направени никакви промени во формата, а коментарите за некои измени во изгледот на Победникот не се точни“, рече таа и додадва дека во иднина треба да се воспостави „култура на редовно одржување на споменикот“.