Планински кристал

Овој студентски проект наменет за планинско сместување, бил воден од страна на професорот на ETH Andrea Deplazes, кој со своите студенти го проектирале објектот наречен „Планински кристал“ што генерира 90% од сопствената енергија.

Поставен на 2.888 метри надморска височина, објектот моментално претставува најкомплексната дрвена конструскција во Швајцарија. Прекриен со треперлива сребрена алуминиумска школка и фотонапонски систем интегриран во јужната фасада, тој генерира сопствена енергија која се очекува да биде најмалку 90% самодоволна. Соларните колектори инсталирани во основата, произведуваат соларна топлина која спроведува топла вода и го загрева системот за вентилација кој ја контролира топлината во собите. За време на неколкуте месеци кога се топи мразот, водата се собира и се складира со цел да се обезбедат тоалети и четири топли тушеви за гостите. Водата се чисти врз основа на бактериски микро-систем, каде потоа се употребува за тоалетите и за миење.