Порта3 – градежништво, архитектура и екологија Порта3 – градежништво, архитектура и екологија
Во време кога темите за одржливост и приближување кон природата стануваат сè поважни, добро е да се разгледа како секој архитектонски елемент може да има двојна функција и со тоа да и помогне на својата околина. Бидејќи кинеската архитектура силно инсистира на традицијата, како и на традиционалните елементи како што е бунарот, таа стана централното место на новиот павилјон во рамките на кинескиот кампус во Хефеи.
Со цел да се зачува хармонијата меѓу човекот и природата, како и модерноста и традицијата, архитектите од бирото TJAD создадоа павилјон од 137 квадратни метри со импровизиран бунар, кој покрај создавањето удобен простор за седење на отворено, служи за чување и слушање на дождот.
При креирањето на новата топографија, бунарот со павилјонот е позициониран на источната страна од кампусот и на падината на ридот висок околу 10 метри, што доведува до силна врска меѓу павилјонот и ридот. Двата sида на павилјонот се чини како да го ограничуваат ридот, а истовремено овој простор е насочен кон него.
Конструкцијата на покривот на павилјонот е насочена навнатре така што дождот тече низ централниот отвор широк 30 сантиметри и при паѓањето формира „завеса за дожд“, пишуваат архитектите за ArchDaily.
Кога врне, посетителите ќе можат да уживаат во визуелното и акустичното искуство, како и да го искусат исконскиот однос меѓу човекот, природата и традицијата.
