Павилјон кој произведува храна и енергија

Производството на енергија во домовите веќе од поодамна не е некоја новост.  Но, одредени иноватори одат чекор понатаму со своите идеи, па претставуваат проекти во кои ќе се произведува не само енергија туку и храна. Дизајнерот Michael Jantzen ја претстави својата визија. Павилјонот на Michael Jantzen  претставува идејно решение на проектот за Калифорниското министерство за храна и земјоделство.

Проектот е направен со цел во исто време да биде и туристичка атракција. Обликот на павилјонот потсетува на брдата во Калифорнија, на кои се произведува храна. На врвот на павилјонот се наоѓаат ветерни турбини, како и соларни панели. Во зима павилјонот пасивно се грее низ големите стаклени отвори, а во лето се лади по природен пат со струење на воздухот (вентилација). За наводнување на земјоделските култури се користи дождовница, која претходно се собира преку посебен систем.