Пасивна куќа – за само четири дена

Зимата е најдоброто годишно време за потсетување колку е важна енергетската ефикасност на нашите домови. Сметките за греење се неумоливи, без оглед дали се грееме преку градските топлани, дрва или електрична енергија. Вложувањата во зголемување на енергетската ефикасност на објектите се исплатува на краток рок, но некои технологии се уште се недостапни за комерцијална примена.

Компанијата “Multipod Studio” го претстави прототипот на една пасивна куќа со површина од 150 метри квадратни. Принципот на изградба на оваа куќа е навистина иновативен. Идејата била да се направи систем кој е едноставен за изградба и финансиски прифатлив. Употребените материјали можат да се рециклираат, а за монтажа на куќата не е потребна специјална обука, туку основен алат и малку вештина. Со овој концепт на градба спречени се топлинските мостови на преминот меѓу плочата и покривот, а целата куќа практично е изградена од изолациони материјали. Изградена е за само четири дена.