Партерно уредување во центарот на Битола

Завршува фазата на партерно уредување во централното градско подрачје во Општина Битола, која ја опфати пешачката патека на потегот од поранешна општина до средна стокова и зафаќа површина од 1.200 метри квадратни, со инвестиција од 1,2 милиони денари.
„Го уредуваме овој простор, кој е дел од еден поголем тендер што изнесува над девет милиони денари. Со овој тендер се санирани голем дел од пристапите во училиштата, градинките, парковите, пешачките патеки, тротоарите, дел од мостовите и овде е завршната фаза. Сакам да најавам дека од денес со подобрувањето на временските услови за работа, започнуваме и со крпење на улиците. Оваа зима имавме голема разлика во температурите, а со тоа голем дел од нашата патна инфраструктура е уништен и е потребна санација“, изјави градоначалникот на Општина Битола д-р Владимир Талески.