Парк – остров од печуркасти бетонски форми

Паркот на Thomas Heatherwick од истоименото британско биро, „Pier 55” кој е планирано да се наоѓа во Њујорк на реката Хадсон, преименуван е во „Little Island”. Објавени се визуелни и видеозаписи во кои детално е прикажан проектот на изградба. Ќе опфаќа вкупно 132 бетонски столба со печуркаста форма, кои ќе се наоѓаат над водата и ќе формираат парк.

Деталите врзани за проектот ги објавила Diller-von Furstenberg Family Foundation која и го финансира. Barry Diller од Фондацијата вели дека е многу радосен поради проектот, бидејќи њујорчаните и посетителите ќе имаат можност да переминат мост, „го остават“ забрзаниот град позади себе и се одморат.

На снимката се гледа поставување на огромни бетонски „саксии“ со помош на дигалки. Овие „саксии“ потсетуваат на лалиња и се со различна висина (од 4.5 до 18.9 метри). Столбовите кои претставуваат „стебла“ потопени се во реката, додека горниот дел или „цветот“ се наоѓа над реката како би се овозможиле различни погледи на градот.

Во паркот ќе се организираат општествени случувања, различни претстави, содржини со уметнички и образовен карактер.
Британското биро соработувало со Signe Nielsen од Mathews Nielsen Landscape Architects на проектирање на зелените површини на простор со големина скоро еден хектар кој вклучува тревници, патеки и брденца. Во план е да бидат засадени 100 видови дрвја и грмушки.

Проектот „Little Island” наишол на низа препреки откако е прв пат претставен во ноември 2014. година. Меѓутоа, сега работите се во тек и завршувањето се очекува во 2021. година.

Проектот, кој е наменет да го замени старото пристаниште, добил дозвола во 2016. година, но наишол на низа судски предизвици и дозволата е издадена наредната година, што ги зголемило трошоците од 35 на 250 милиони долари.

Тврдењата биле дека конструкцијата е неприкладна за предложеното место, бидејќи се наоѓа во зона на заштитено устие.
После решавањето на сите несогласувања, реализацијата на проектот сега е во тек и паркот ќе се придружи на бројните потфати на Heatherwick, осмислени за подрачјето покрај реката Хадсон и подигнатиот парк „High Line”. Станбените кули „Lantern House” во моментов се градисамо неколку блокови подалеку, додека „Vessel” е отворен на почетокот на годинава во рамки на „Hudson Yards”.