Панел дискусија за иднината на „Скопје 2014“ во Кино Култура

Вечерва во 19 часот, во Кино Култура, ќе биде одржана презентација на краткиот филм „Како Скопје 2014 ги изеде урбаните заеднички добра“, а во вториот дел од настанот и панел дискусија со двајца врвни претставници на професијата: Ана Ивановска и Мирослав Грчев.

Во панел дискусијата, како гости со свој став, ќе учествуваат Мери Јордановска, Петрит Сарачини, Валентина Поцеска и Славчо Димитров. Модератори се Ивана Драгшиќ и Никола Наумоски.

Дискусијата ќе биде посветена на справувањето со Скопје 2014 после некое потенцијално нормализирање на правниот поредок во земјава. Што мислат архитектите дека треба да се направи, какви им се ставовите за рушење, што доколку сето тоа остане вака како што е?

Влезот е слободен!