Палестина – со енергија од Сонцето кон поголема енергетска независност

Американскиот портал ‘Renewable Energy World.com’, известува дека Палестина презема голем чекор кон поголема енергетска независност, со тоа што веќе ги објавила условите за конкурсот за изградба nа постројки за искористување на енергијата од Сонцето, со вкупна моќност од 100 MW. Во согласност со тоа, планирана е изградба на 10 соларни електрични централи со поединечна моќност од 10 MW, при што на конкурсот ќе победи оној кој ќе понуди најниска цена за така произведената електрична енергија. Со тоа,

Палестина ќе се ослободи од големата зависност од увоз на електрична енергија од Израел, од каде покрива околу 95% од потребите. Планот е до 2020 година, оваа зависност да се намали на 50%, така што би се изградиле енергетски објекти (главно на соларна енергија и природен гас) со вкупна моќност од 600 MW, во што би биле вложени над 800 милиони долари. Кофинансирањето на овие проекти веќе е најавено од страна на Кина, и тоа во вредност од 200 милиони долари.