Овој дрон со две седишта наскоро може да биде во вашата гаража

Малку време не дели од пристигнувањето на Doroni H1, мал летечки двосед кој може да се смести во секоја гаража.

Создаден е од Doroni Aerospace, компанија со седиште во Мајами, фокусирана на развој на електрични авиони. H1, и покрај неговиот малку чуден дизајн, ветува дека ќе ги транспортира своите сопственици на најбезбеден и најбрз можен начин.

Леталото Doroni H1 не е баш хеликоптер или авион – може да се каже дека е нешто сосема друго, кое ги комбинира најдобрите елементи на авион и хеликоптер и ги спакувал во еден пакет на ефикасен, безбеден, достапен и моќен начин.

Што се однесува до неговите перформанси, Doroni тврди дека H1 ќе лета со максимална брзина од 225 километри на час. Ќе има должина од седум метри, што го прави доста удобен за патување. Вреди да се напомене и фактот дека ќе има интегрирани воздушни перничиња, како и падобран. Во втората година компанијата има за цел да ги обучи идните сопственици на овој дрон, кои ќе можат да управуваат со него доколку поминат дваесет часа обука.

Во моментов, Doroni Aerospace планира да прими 36 нарачки однапред, кои ќе бидат спремни во последниот квартал на 2024 година. За заинтересираните, почетната цена на Doroni H1 ќе биде 150.000 долари.