Овогодишниот Вимблдон поеколошки

All England Lawn Tennis Club (AELTC) објави дека овогидишниот престижен тениски турнир Вимблдон кој веќе започна завчера, ќе се обиде да превенира употреба на над 400.000 пластични сламки кои вообичаено секоја година се трошат за време на овој настан и  завршуваат на депониите. Се разбира, тука мора да се спомене и употребата на пластичните чаши и шишиња вода во речиси исто толкав број. Алтернативата е во сличен материјал кој е одржлив, односно се разградува и рециклира.

Овие најави на организаторот на турнирот доаѓаат како дел од еден поамбициозен план  за одржливост на легендарниот грен слем. За време на траењето на турнирот сите продавници ќе нудат исклучиво хартиени кеси, а поставени се и 87 места за полнење на вода.

Дополнително за потребите на турнирот на располагање се и електрични возила, и тоа 10 електрични возила од брендот Јагуар.