Оваа година конечно ќе се знае како Хрватска и Словенија ќе го складираат нуклераниот отпад – заедно или посебно?

Дали конечно ќе се постигне договор помеѓу Словенија и Хрватска околу заедничкото складирање на ниско и средно радиоактивниот отпад од НЕ Кршко, би требало да дознаеме во јуни. Претходните планови за изградба на заедничко одлагалиште, се под знак прашање, но не се целосно паднати во вода. Според договорот, странките се договараат за ефикасно заедничко решение за одлагање на радиоактивниот отпад од нуклеарната централа Кршко. Исто така, се истакнува дека доколку до крајот на животниот век на електраната, страните не с едоговорат за заедничко решение за одлагање на радиоактивниот отпад, тогаш тие се обрзуваат посебно да ја згрижат својата половина од отпадот најдоцна во рок од две години. Минатата година, Хрватска подготви детален предлог на Националната програма за спроведување на Стратегијата за управување со нуклеарниот отпад за период до 2025 година, со визија до 2060 година. Во овој документ, значаен дел е посветен на проблемите со отпадот од НЕ Кршко. Меѓу останатото, во него се наведува дека досегашните напори за наоѓање зедничко решение за прашањето на нуклеарниот отпад биле само делумно успешни.