Ова е куќата во која е роден Доналд Трамп

Пред да влезе во политиката, Доналд Трамп ширум светот беше познат како бизнисмен во областа на недвижностите. Сепак, тој израснал во њујоршкиот кварт Квинс во куќа која е имитација на британскиот тудорски стил (со црвени цигли). Родната куќа на Трамп е сместена во еден од побогатите квартови на источен Квинс и изградена е во 1940 година.

Се состои од дневна соба со камин, формална трпезарија, кујна, работна соба, шест спални, подрум и две гаражи. Во минатиот декември куќата е купена за 1,4 милиони долари, а неодамна на аукција е продадена за 2,14 милиони долари.